воскресенье, 30 октября 2016 г.

Эстафета бедь босьта ас киӧ!Со мый артмис:

Муса,дона, мамӧй!

Босьта дзоридз,кампет.
Кая чужан сиктӧ.
Пыра гортӧ,сэсся,горӧда дзик пыр:
"Виддза олан,мамук!"
Папукӧс ог вунӧд,
Найӧ ӧдзӧс дорӧ -
"Чолӧм,дона ныв!
Кыдз нӧ воин?Бура?
Ставыс лючки-ладнӧ?"
А ме шуа: "Зэв бур!"
Кутла.Радӧй тыр.
Сета мамлы дзоридз,
"Батьӧ,тэныд кампет!"
-Лок со пуксьы, сёям, радейтана ныв!
Мамӧлы ме шуа:
"Муса,дона, мамӧй!
Радейта ме тэнӧ!
Зарни,югыд шондіӧй!
Аттьӧ шуа тэд!
Кутлыны да окавны, 
Шоныд кывъяс висьтавны,
Мамукъяслӧн лунӧ
Чолӧмала ме.
Меным сьӧлӧм вылын вывті талун долыд!
Татшӧм мамыд ӧти!
Мича,авъя,шань!"
Батьӧ нюмдіс сэкі,
Шуӧ:"Викуш,водзӧ висьтав,тэнӧ бура кывзам"
Чеччи улӧс вылысь,
Пукси  мамӧ дорӧ,
Кутлышты да водзӧ шуны куті ме:
"Аттьӧ ыджыд бать-мамлы,
Копыр Коми мулы!
Мамӧ,тэныд аттьӧ,
Мый сэтін олӧм мен!"
Эстафета бедь сета водзӧ)) Тэныд,Вася! http://www.permjak.blogspot.ru/ Пермяк

понедельник, 12 сентября 2016 г.

Шудлун лэбач кодь лоӧмторъяс..

Виддза оланныд, дона ёртъяс! Ура! Ме тіянкӧд! Меным зэв нимкодь))
Тайӧ гижӧдас окота юксьыны, кыдзи ме аддзи ачымӧс брошюраысь, коді сиӧма ӧнія бӧрйысьӧмъяслы, а бӧрыннас и баннер вылысь.
Ставыс заводитчис, кор ми став группакӧд окотапырысь мунім  тӧвся фотосессия вылӧ. Дерт жӧ, ставнымлы колӧны томдырся фотояс, кӧні ми мичаӧсь да мусаӧсь, медым сэсся коркӧ видзӧдны найӧс да нюмъялігтырйи казьтывны том олӧм.
Менам группаын адӧй гажа да шань том йӧз. И фотокарточкаяс артмисны бурӧсь!
Сы бӧрын фотограф Наста, сы дорӧ ми и ветлім, корис менӧ пырӧдчыны "Вой кыа"республикаса конкурсӧ, кӧні миян ӧтвывса уджнымӧс эзӧй кольӧй козинтӧг. Конкурссӧ нуӧдіс Коми Республикаса бӧрйысян комиссия, на пыр и прӧйдитіс ещӧ ӧти фотокарточка, кодӧс пыртісны брошюраӧ да баннер вылӧ. Медбӧръяыс сулалӧ  Димитрова да Морозова уличаяс йитчанінын.
Ёртъяс, энӧй лэдзӧй кисьыд шудлун лэбач кодь лоӧмторъяс, кодъяс бергӧдасны тіянлысь олӧмтӧ, пыртасны уна радлун, тӧдмӧдасны бур йӧзкӧд да шонді югӧръяс моз кутасны мичмӧдны Тіянлысь олӧмтуй!